पञ्चदेवल विनायक नगरपालिका महिला बालबालीका शाखा प्रमुख शर्माको निधन,नगरपालिका द्वारा शोक व्यक्त

अछाम । जिल्लाको पञ्चदेवल विनायक नगरपालिकामा कार्यरत महिला बालबालीका तथा जेष्ठ नागरिक शाखा प्रमुख भावना शर्मामा निधन भएको छ ।

पञ्चदेवल विनायक नगरपालिका वडा नम्बर ३ निवासी शर्मा एक्कासी विरामी हुदा आइतबार अस्पताल भर्ना गरिएको थियो । उपचारको क्रममा  बुधबार विहान ब्लड हस्पिटल जाउलाखेल ललितपुरमा अकस्मात निधन भएको पारिवारिक स्रोतले जनाएको छ ।

पञ्चदेवल विनायक नगरपालिकामा सहायक महिला विकास निरिक्षक पदमा कार्यरत शर्माको निधन प्रति नगरपालिकाले एक विज्ञप्ति जारि गर्दे शोक व्यक्त गरेको छ । 

नगर प्रमुख अम्बिका चलाउनेद्दारा हस्तक्षरित विज्ञप्तिमा भनिएको छ, ‘पञ्चदेवल विनायक नगरपालिका वडा नम्बर ३ निवासी नगरपालिका को महिला बालबालिका तथा जेष्ठ नागरिक शाखा प्रमुखको रुपमा कार्यरत सहायक महिला विकास निरिक्षक भावना कुमारी शर्माको यहि कार्तिक २९ गते बिहान ६ बजेर ३० मिनेट जाँदा ब्लड हस्पिटल जावलाखेल ललितपुर मा असामहिक निधन भएको खबरले नगरपालिका परिवार शोकमग्न भएका छौँ । एक होनाहार, इमान्दार राष्ट्रसेवक कर्मचारीको अवशानले यस नगरपालिकालाइ अपूरणीय क्षति भएको छ । यस दुःखको घडिमा दिवंगत आत्माको चिर शान्तिको कामना गर्दे भावपूर्ण श्रद्दाञ्जली अर्पण गर्दछौँ, साथै शोकाकुल परिवारजन एवम् आफन्तजनमा धैर्यधारणको शक्ति प्राप्त होस भन्दै समवेदना व्यक्त गर्दछौँ । ’

एक कुशल राष्ट्रसेवक कर्मचारीको अवशानले पञ्चदेवल विनायक  नगरपालिका नै शोकमग्न भएको छ । शर्माका श्रिमान र ३ बर्षका एक छोरा छन् । उनको यहि मंसिर १ गते कर्णाली नदिको बेलखेतमा दाहसंस्कार गरिने पनि पारिवारिक श्रोतले जनाएको छ ।