पहाड खबर समाचार प्रभाव: आलिटोलका छाउगोठ भत्काइए

अछाम प्रहरीले पन्चदेवल विनायक नगरपालिका ५ आलि टोलमा छाउगोठ भत्काएको छ ।
आइतबार इलाका प्रहरी कार्यालय विनायकका इन्चार्ज प्रनानी जगत बोहराको नेतृत्वमा गएको प्रहरी टोलिले ७ वटा छाउगोठ भत्काएको हो ।

आलि टोलमा पछिल्लो समय छाउगोठ पुनः निर्माण गरिएका थिए । छाउगोठ निर्माण भएको र नियामक निकायले भत्काउने काममा बेवास्ता गरेको समाचार शुक्रवार पहाड खबरले प्रकाशित गरेको थियो ।
समाचार प्रकाशन पश्चात् प्रहरीले एक्सन लिएको छ । आज भएको छाउगोठ भत्काउने काममा पन्चदेवल विनायकका कर्मचारी समेत सहभागी थिए । 

हेर्नुहोस पहाडखबरमा प्रकाशित समाचार 

यसैबिच अछामको पन्चदेवल विनायक नगरपालिका,बान्निगढी जयगढ गाउँपालिका र तुर्माखाद गाउँपालिकाका विभिन्न वडामा ४६ वटा छाउगोठ भत्काईएको अछाम प्रहरीले बताएको छ ।