कांग्रेस केन्द्रीय सदस्यमा अम्बिकालाई सुरुवाती अग्रता

​काठमाडौँ। नेपाली कांग्रेसको १५औँ महाधिवेशनअन्तर्गत केन्द्रीय कार्यसमितिको मत गणना जारी रहेको छ। जसअनुसार सुदूरपश्चिम प्रदेश (महिला) तर्फको केन्द्रीय सदस्य पदमा अम्बिका कुमारी चलाउनेले सुरुवाती अग्रता कायम राखेकी छन्।

​प्राप्त पछिल्लो मत परिणाम अनुसार चलाउनेले ३८० मत प्राप्त गर्दै अग्रता बनाएकी हुन्। उनलाई सुशीला शाहीले १८३ मतका साथ पछ्याइरहेकी छन्।

​त्यसैगरी, सोही पदका अन्य उम्मेदवारहरू खिना भण्डारीले ८९ मत र टिकेश्वरी कुमारी हमालले ३८ मत प्राप्त गरेका छन्।

​यस महाधिवेशनमा कुल ७,०३९ मत खसेको थियो। बाँकी मतको गणना कार्य अहिले पनि उत्साहजनक रूपमा जारी रहेको छ।