‎लयाँटीमा मैपति दमाई सर्वसम्मत वडा सभापति निर्वाचित

अछाम । नेपाली कांग्रेस पञ्चदेवल विनायक नगरपालिका–५, लयाँटीको वडा अधिवेशनबाट मैपति दमाई सर्वसम्मत वडा सभापतिमा निर्वाचित भएका छन्।
‎
‎नेपाली कांग्रेसको १५औँ महाधिवेशन अन्तर्गत शनिबार सम्पन्न वडा अधिवेशनले लामो समयदेखि पार्टी संगठनमा सक्रिय रहँदै आएका दमाई लाई सर्वसम्मत रूपमा वडा सभापतिको जिम्मेवारी दिएको हो।
‎
‎उर्जाशील समय देखि नै नेपाली कांग्रेसको संगठन निर्माण र पार्टी गतिविधिमा सक्रिय रहँदै आएका दमाईले लामो समय पार्टीमा समर्पित भएर काम गरेका छन्।
‎
‎अधिवेशनबाट उपसभापतिमा इन्द्र बहादुर शाही र लक्ष्मी शाही तथा सचिवमा एकेन्द्र बहादुर बुढा चयन भएका छन्।  वडा कार्यसमिति १९ सदस्यीय रहेको जनाइएको छ।
‎वडा अधिवेशनको उद्घाटन तथा समापन कार्यक्रममा कांग्रेसका स्थानीय नेता, क्रियाशील सदस्य, शुभेच्छुक तथा सर्वसाधारणको सहभागिता रहेको थियो।
‎
‎
‎अधिवेशनले वडा तहमा नयाँ नेतृत्व चयनसँगै आगामी महाधिवेशनका लागि क्षेत्रीय प्रतिनिधिसमेत चयन गर्ने प्रक्रिया अघि बढाएको छ।
‎
‎नेपाली कांग्रेसले १५औँ महाधिवेशन अन्तर्गत देशभर वडा तहको अधिवेशन अघि बढाएको हो। संशोधित निर्वाचन कार्यतालिका अनुसार असोज ३ र ४ गते देशभरका ६ हजार ७ सय ४३ वटै गाउँ–नगर वडा अधिवेशन गर्ने, वडा कार्यसमिति चयन तथा क्षेत्रीय प्रतिनिधि छनोट गर्ने कार्यक्रम तय गरिएको थियो।
‎
‎केन्द्रीय निर्वाचन समितिका अनुसार असोज ३ गते ४३ जिल्लाका ३ हजार ३ सय ९६ वडामा अधिवेशन तथा निर्वाचन सम्पन्न भएको छ भने बाँकी वडामा असोज ४ गते अधिवेशन भइरहेको छ।
‎
‎